HJS beskik oor ‘n puik gras-atletiekbaan wat met spreiligte toegerus is, wat dit moontlik maak om aandbyeenkomste aan te bied. Daar word jaarliks drie groot byeenkomste by HJS aangebied, naamlik:
| 1. |
Die Interhuisbyeenkoms waarby die hele skool betrokke is. Imhoff het soos gebruiklik weer vanjaar met die trofee weggestap. |
| 2. |
Die HJS-Uitnodigingsbyeenkoms wat al die afgelope twee jaar deur Droomers Nissan geborg word. Hierdie byeenkoms is ‘n aandbyeenkoms met geselekteerde items waaraan 6 seun- en 3 dogterspanne deelneem. Hierdie byeenkoms word gekenmerk deur ‘n feesatmosfeer en ongelooflike gees en samesang deur skole op die paviljoen. |
| 3. |
Die Paarl Driehoekige Byeenkoms, waar HJS dit uitspook teen Paarl Gimnasium en Boland Landbou. Op hulle beurt neem HMS, La Rochelle en Paarl Gimnasium se dogters teen mekaar deel. |
HJS neem ook al die afgelope twee jaar aan die Sentraal Top 20-Atletiekbyeenkoms in Bloemfontein deel. HJS is beide jare (2008 en 2009) aangewys as die tweede beste seunspan na HTS Louis Botha.
HJS lewer jaarliks verskeie Boland-atlete op (20 atlete in 2009) en Lionel Abrahams (verspring s.o.18) verower goue medaljes by die Nasionale Hoërskole Atletiekkampioenskap, die ASA-Jeug-en-Juniorkampioenskap en by ‘n internasionale byeenkoms te Mauritius. Hy word ook ingesluit in die ASA-Jeugspan wat by die Wêreldjeugkampioenskap in Sudtirol, Italië deelneem.
Tiaan Mouton (300mH s.o.15) behaal ‘n silwermedalje by die Nasionale Hoërskole Atletiekkampioenskap.
|
